शंकर जगताप हे पिंपरी चिंचवड शहराच्या सर्वांगीण विकासासाठी झटणारे एक प्रभावी व समाजाभिमुख नेतृत्व आहे. पिंपरी चिंचवडचा झपाट्याने होत असलेला विकास आणि शहराच्या भागातील बदल ही त्याच्या कार्याची जाणीव करून देणारी ठळक उदाहरणे आहेत. एका सर्वसामान्य धार्मिक कुटुंबात १९७४ मध्ये पिंपळे गुरव या गावात जन्मलेल्या शंकर जगताप यांनी लहानपणापासूनच समाजसेवेची नाळ घट्ट जोडली. स्वर्गीय आमदार लक्ष्मण जगताप यांच्या मार्गदर्शनाखाली त्यांनी नागरिकांच्या समस्या जाणून घेत त्या सोडवण्यासाठी सातत्यपूर्ण प्रयत्न केले. एमबीए (फायनान्स) शिक्षण घेतल्यानंतर शेती व बांधकाम व्यवसायात यश मिळवत त्यांनी सामाजिक विकासाशी व्यावसायिक दृष्टिकोन यशस्वीपणे जोडला. शैक्षणिक व सामाजिक योगदान

शिक्षणाच्या माध्यमातून समाजाची उन्नती करणे हे त्यांचे मुख्य ध्येय राहिले आहे. ‘द न्यू मिलेनिअम इंग्लिश मीडियम स्कूल’ व ‘चिंतामणी विद्यापीठ, पुणे’ या संस्थांमार्फत त्यांनी हजारो विद्यार्थ्यांना दर्जेदार शिक्षणाची संधी उपलब्ध करून दिली. शिक्षणासोबतच गरजू आणि होतकरू विद्यार्थ्यांना मदत करून सामाजिक जबाबदारी पार पाडली आहे. आर्थिकदृष्ट्या सक्षम आणि नैतिक मूल्यांवर आधारलेला समाज निर्माण करण्यासाठी त्यांनी अनेक उपक्रमांमध्ये सक्रीय सहभाग घेतला आहे. शंकर जगताप हे केवळ राजकारणी नेते नसून एक दूरदृष्टी असलेले, विकासाभिमुख विचारांचे आणि समाजाशी बांधिलकी जपणारे कार्यकर्ते आहेत.